الأسعار › تفاصيل الاشتراك
تفاصيل الاشتراك
كل باقة تفتح لك كل أدوات StructCheck وفحص نموذج ETABS. الفرق الوحيد بين الباقات هو عدد الاستخدامات في الأسبوع.
مقارنة الباقات
| مجاني | بيسك | بريميوم | ماسي | |
|---|---|---|---|---|
| السعر | 0 | 19 ريال / شهر | 29 ريال / شهر | 59 ريال / شهر |
| الاستخدامات بالأسبوع | 5 | 50 | 100 | 500 |
| تقريبًا بالشهر | 20 | 200 | 400 | 2000 |
| كل الأدوات (70+) وخطوات الحساب | ✓ | ✓ | ✓ | ✓ |
| فحص نموذج ETABS وتقرير العناصر | ✓ | ✓ | ✓ | ✓ |
| الطباعة وحفظ PDF | ✓ | ✓ | ✓ | ✓ |
| يناسب | التجربة والطالب | مهندس يستخدمها أحيانًا | مهندس يشتغل عليها يوميًا | مكتب أو فريق |
وش يعني "استخدام"؟
- كل نتيجة تطلبها = استخدام واحد. تدخل أرقامك في أي أداة (مثلًا تصميم القاعدة) وتضغط احسب، هذي استخدام.
- غيّرت الأرقام وضغطت احسب مرة ثانية؟ هذي نتيجة جديدة وتنحسب استخدام ثاني، حتى لو بنفس الأداة وبنفس اليوم.
- تقدر تعدّل المدخلات كلها براحتك قبل ما تضغط احسب، التعديل نفسه ما ينحسب.
- ملف ETABS جديد = استخدام واحد. إذا رجعت لنفس الملف وغيّرت الإعدادات، ما ينحسب عليك.
- الأدوات اللي تشتغل مباشرة بدون زر احسب (مثل جدول أوزان الحديد ودمج ملفات PDF) تنحسب استخدام واحد لكل فتحة للصفحة.
- فتح الصفحة وقراءة المثال اللي فيها بدون ما تطلب نتيجة ما ينحسب.
مثال: مهندس حسب اليوم القاعدة 3 مرات بأرقام مختلفة، والكمرة مرتين، وفحص ملف ETABS واحد. المجموع 6 استخدامات.
متى يتجدد الحد؟
كل يوم أحد بتوقيت الرياض يرجع العداد صفر. الاستخدامات اللي ما استخدمتها في أسبوع ما تنتقل للأسبوع اللي بعده.
كيف أدفع؟ وكم مدة الاشتراك؟
- تدفع بـ مدى أو فيزا أو ماستركارد عن طريق بوابة Moyasar المرخّصة. نحن ما نشوف ولا نحفظ بيانات بطاقتك.
- الاشتراك 30 يوم من لحظة الدفع، ويتفعّل فورًا.
- ما فيه سحب تلقائي. قبل ما تنتهي المدة نذكّرك، وأنت تقرر تجدد أو لا.
- إذا جددت نفس الباقة قبل ما تخلص، تنضاف 30 يوم على المدة الباقية وما يضيع منك شي.
الترقية والتغيير
- تقدر تنتقل لباقة أعلى أي وقت، والباقة الجديدة تبدأ من يوم الدفع لمدة 30 يوم.
- إذا خلصت المدة وما جددت، يرجع حسابك مجاني تلقائيًا، وبياناتك وحسابك يبقون زي ما هم.
الإلغاء والاسترجاع
بما إن ما فيه سحب تلقائي، ما تحتاج تلغي شي. إذا ما تبي تجدد لا تجدد بس. وللاسترجاع: إذا دفعت بالغلط أو ما استخدمت الباقة أبد، راسلنا على structcheck@gmail.com خلال 7 أيام من الدفع ونرجّع لك المبلغ. التفاصيل الكاملة في الشروط.
أسئلة شائعة
أقدر أستخدم الحساب على أكثر من جهاز؟
إيه، ادخل بنفس الحساب من الجوال والكمبيوتر، والعداد واحد للحساب.
أقدر أشارك حسابي مع زملائي؟
الحساب شخصي. إذا عندكم فريق، الأفضل كل مهندس له حساب، أو باقة ماسي لمستخدم واحد يستخدمها بكثرة.
أبي فاتورة باسم المكتب؟
راسلنا بعد الدفع على structcheck@gmail.com بالاسم المطلوب ونرسلها لك.
وش يصير إذا خلصت استخداماتي قبل الأحد؟
تطلع لك رسالة، وتقدر ترقّي باقتك فورًا أو تنتظر لين يتجدد الحد يوم الأحد.